Tulio Malaysia Meikhu Nih Cancer Zawtnak Tiang A Chuahter Khawh

Tulio Malaysia meikhu nih cancer tiang a chuahter khawh.

Tulio Malaysia boruak a that lo tuk caah Chinmi ralrin taktak a herh mi a si. Meikhu nih a zelh tuk ruang ah kan dawp mi thli a thiang ti lo.

Mahhi thli thiang lo hi kan dawp tam a si ahcun kan caah cuap cancer tiang a chuah ter kho tu a si cang tiah UN ngandamnak zung lei nih a fiater mi a si. Cu ruagah ralrin taktak kan herh lio can a si.

Tulio ah Malaysia ummi nih a tang lei bamtuk damlonak na ngeih ahcun a tulio meikhu thli thiang lo dawp ruangah a si ti kha thei law clinic i khamnak i zohter hna. I khamnak sii din khawh a si. Hnapduk tla, khuhkhah, tak thak, mithla tlak peng, tang fah le thawha mah bantuk an um a si ahcun a rannak in clinic ah kal ding a si.

Indonesia ram tupi meikang ruangah Malaysia ram meikhu nih a zelh tuknak hi a si. Malaysia cozah le Indonesia cozah kar zong ah i rem lonak tete a chuak cang.

A bikin mahhi meikhu hi ngakchia nih an celh lo. Ngakchia caah cun a fak ngaingai. Cu ruangah Chinmi nan fa le kha leng ah chuah pi tuk hna hlah uh. Upa zong lengah nan chuah tikah hmurhup ( Mask ) nan hman lai. Nan hman lo ahcun cuap cancer tiang a chuak khomi a si tiah UN lei ngandamnak zung nih an chimmi a si.

 

Be the first to comment

Leave a Reply

Your email address will not be published.


*