SOUTH KOREA: MAHNI CHENNA IN HAL, MI PANGA VIT HLUM

South Korea ramah mi pakhat chuan a chenna pindan halin, pindan dang luahtu mi pangate chemtein a vit hlum.

He thil thleng avang hian hliam tuar mi 13 an awm thu police-ten an tarlang.

South Korea ram chhim lam Jinju khawpuia thil thleng a ni.

Tunge a nih hriat loh kum 42 mi pa pakhat chu thil tisualtu nia a inchhal avangin hren a ni a. Thil an zawhin a thusawi a mumal lo hle a, a rilru a buai hle a ni.

Vawiin Nilaini, Korea ram sana 4:25 pm-ah in chhawng lina hi hal a nih thu Police Chief of Jinju chuan press conference a hrilh.

In haltu hian in chhawng hnihnaah chhuk thlain in chhung atanga corridor-a rawn chhuakte chu chemte nen a lo bei a.

Thite hi hmeichhe naupang kum 12 mi, kum 70 mi pa pakhat, kum 60 mi vel hmeichhe pahnih leh hmeichhe pakhat kum 30 mi te an nih thu tarlan a ni.

Police-in thil sual titu hi manin an hreng a, kangmei hi minute 20 velah chuan thelhmit a nih thu Yonsap-an a sawi.

Thil tisualtua rinhlelh hi a mah chauhvin 2015 atanga he in chhawng (flat)-a pindan pakhat luahtu a nih thu police-te chuan an tarlang bawk a ni.

Be the first to comment on "SOUTH KOREA: MAHNI CHENNA IN HAL, MI PANGA VIT HLUM"

Leave a comment

Your email address will not be published.


*