Mike Pompeo: ‘Pathian nih Israel khamhtu ding caah President Trump a rak thlah

Israel ram le a miphun hna an him khawhnak ding caah Pathian nih President Trump hi a rak thlahmi a si ko tiah US ramdang vuanci Mike Pompeo nih CBN media ah a chim.

Tihnung ngaimi Iran kut in Israel a rawh lonak ding caah Pathian nih Trump a rak thlah, Pathian nih a rak thlah bang in Trump nih fek tein Israel a dirhkamh, Israel ral ven piaktu caah Pathian nih Trump a rak thlah ko timi hi Khrihfa pakhat ka si bantuk in ka zumhmi a si tiah Mr Pompeo nih a chim.

President Trump hi Israel biatak ngai in a dirhkamhtu a si. Jerusalem zong Israel khualipi ah a cohlan hlei ah Jerusalem bak ah US embassy a rak thial. Trump cung ah Israel an i lawm.

Syria ram tiah an ruah i Israel ralkap kuttang ah 1967 kum thawk in a um cangmi hmunhma Golan Heights zong zahan kha Israel ram tiah a cohlan piak fawn.

Obama nih a sermi Iran nuclear hnatlaknak zong Trump nih a hrawh rih, hi nuclear hnatlaknak hrawh ding ah Israel nih caan saupi a aupimi a si.

Trump nih fek ngai in Israel a dirhkamh tikah Iran le Muslim ram tampi an lungrawk, Israel an huatnak a zual chin lengmang ve. BBC

Be the first to comment on "Mike Pompeo: ‘Pathian nih Israel khamhtu ding caah President Trump a rak thlah"

Leave a comment

Your email address will not be published.


*