Press "Enter" to skip to content

An chuah ka in, nu an si poh poh ahcun an pe-sa colh thluahmah hna

Kenya ram, Tala khuapi huap chungah nau an ngeih i nu asi poh poh ahcun a chuahka in a pasal ding an kawl piak colh! A fawinak cun an pe-sa colh hna.

 

An mah he ai rualmi, nu va dingah an chuah thla le kum ai tlakmi an um lo sual zongah an nak upa deuh pi zong an pe-sa ko hna. Hi hi zeiruangah dah an tuah le phung bantuk ah an ser ti ahcun Nu tlaihhrem a tam tuk caah Nu pawl an him deuh nak dingah ti asi.

 

An phung nih fek tein a ttem ve hna. Mi nupi asimi le mi nupi ding asimi cu tongh a thiang loh. An tlaihhrem sual hna asi cun thih hlan lo thong thlak an si. An pe-sa mi hna an va le ding zong nih ttha tein an kilven ve hna. Nain zungzal caah ai duh tak lomi an um pah lengmang mi hi a buai tawn theu mi cu asi.

 

Hi phung le lam hi Human Right buaipui tu hna nih cun an duh lem loh, a tha loh an ti ve. A ruang cu minung asimi nih Right kan ngei dih, duh thim nak nawl kan ngei dih, hi bantuk pe-sa hi cu phungah i ser ding asi loh. A duhmi cu i pe-sa ko hna sehlaw a duhlo mi cu pe-sa lo ding asi ko an ti.  BBC