AA le Cozah ralkap an i kahnak ruangah khuami lungrethei le thinphangmi an tam

Rakhai ram ah Myanmar ralkap le AA hriamtlai phu an i kahdohnak ruangah Pungnacun peng, Michawng Khuk le Aa-wah khua i mipi 120 hna cu an umnak khua ah um ngam loin an zaam tiah theih asi.

Hi a zaam mi hna hi a innkhi in inn 30 an si i, Butitawng peng, Sai-ngen-zi khua ah an zaam.

“I kahdohnak a chuak caah an tih i an rak zaam mi asi” tiah Butitawng pengkomh, Hluattaw kozale pa U Aung Tawng Shwe nih a chim.

 

Atu bantukin ral an tih ruangah a zaam mi hna hi Khami miphun, tlang cungmi pawl an si. Rakhai ram ahhin AA le Myanmar ralkap hna hi December 8 khan an i kap cang i a tu tiangah a zaam mi hna hi minung 600 leng asi cang tiah theih asi.