Press "Enter" to skip to content

Tuzingah Cozah ralkap nih vanlong le hriamnam ngan he AA pawl an phomh hna

Rakhai ram Butitawng pengkomh, Tayat tawng khua uksuh, Alechawng Khami khuathar pawng ah tuzing slm 8:00 am in AA le Cozah ralkap hriamnam nganpi le vanlong he an i kap ciammam caah khuami minung (263) Tayatpin khua ah an zaam tiah theih asi.

 

Tayatpin khua bawi U Maung Than Hlaing nih, “atu nai te ah an rak phan. Nu (120) le pa (143) an si. An dihlak fonhah (263) an si i Tayatpin phungki sianginn ah kan chiah hna. An hnu lei in a ra mi zong an um pah len rih. Atu an herh bikmi cu ei ding tirawl asi” tiah a chim.

 

“Slm 8:00 am in an i kap i slm 9:45 am tiang. Atu a rak zaam mi hna hi an thil le an ri zeihmanh an i rat pi lo. An i hruk liomi hnipuan he bak lawngin an si. Hriam nam ngan in an i kap hna” tiah a chim chap.

Video

AA le Cozah ralkap an i phomh taktak cg hih

Posted by The Chin World News on Saturday, January 12, 2019