Press "Enter" to skip to content

A poi ngai ngai. Kan Kawlram ah sifahnak rungrul a lut

Myanmar ah phungning tein Casino hun an timh.( Casino timi cu a theih lomi kan um sual ah, game a phun phun phaisa in celh nak asi). Cu Casino ahcun riantuan dingin Thailand minung pawl tam taktak kal an i tim tiah theih asi.

 

Kan theih cio bantuk in ramdang ahcun phungning tein Casino hi on asi. Cu bantuk Kan Kawlram zong Cozah theihpi nak he an on ve lai. Riantuan tu ding ahhin a thiam deuhmi, a rak ttuan cangmi Thailand nungak pawl minung tam ngai ttuan dingin an i tim.

 

Kan Kawlram chungah Casino on nak ding cu Mandalay Division, Tanintharyi Region, Kayin State le Mon State hna ah an si. Hi Casino riantuan ahhin ram chung minung zong cei lak an lak hna lai.

 

Biachap: Hi bantuk Casino/ Game ruangah kukdok in a vakmi minung hi rel cawk an si ti loh. Cu caah kei nih cun Sifahnak rungrul tiin a tlangpi ka taar. A cheu nih cun a ting le tawng zongin an miak ko nain mi tam deuh cu sungh asi ko. Sungh lo a ngah loh, a ruang cu Game ngeitu nih miak ding hrimhrim in a tuahmi si. Cu caah hi bantuk hi Chinram zongah a um te lai loh ti khawh asi loh, mirum pakhat khat nih tuah/ on a timh ahcun Chin miphun asimi poh nih doh ding asi lai. Hi bantuk Game nih a suai cangmi hna cu a hruh bakin an hrutmi zong an um.