Sianginn kaimi Tleirawl nungak minung 12 a rualin nau an pawi

Voikhat lo ah a rualin naupawi cu khuaruah har ngai khi asi ko. Naupawi Test an ngeih nakah result an hmuhmi cu a caan le ni zong an i khat dih ti asi. Indonesia Planned Parenthood Association zong hi thawngpang an theih cun an khuaruah har dih.

Lampung Sumatera i Secondary’s School ah thil cangmi i asi i, Sianghngakchia nu minung 12 a rualin nau an pawi. Hi thawngpang hi an saya te nih cun thuh hnawh an timh. Kan Sianginn a him ko tiah thawng an thanh.

 

Bangkapos Report nih cun hi naupawi mi Sianghngakchia nu hna hi tang 7,8,9 an si. Kum 12 in kum 15 kar minung an si. An sianginn nih kan him ko an ti nain naupawi Test an tuah hna i minung 12 bak a rualin nau an pawi. Lampung PKBI survey ah a langhning ahcun thla 1 chungah a tlom bik condom 100 hi zuar peng asi tiin an chim.

Dwi Hafsah nih hi bantuk thawngpang le thilsining hi khuaruah har ngai asi ko. Sianginn kai liomi hna nih biatak deuhin sikan an ngeih a herh. Cu pinah nu le pa hna nih fale zohkhenh thiam a herh hringhran tiah a chim.

Nau a pawiter tu hna hi mizeidah an si timi theih asi rih loh. Sianghngakchia hna hi nu he pa he an i neih niam tuk tiah an chim.

Be the first to comment on "Sianginn kaimi Tleirawl nungak minung 12 a rualin nau an pawi"

Leave a comment

Your email address will not be published.


*