Lim, Rul nih tlangval Lal Ven Him, dolh dingin khur chungah ai luhpi

Minung nunnak van in atla kan ti lai maw? A hawipa hi pa raltha taktak asi. Hi ti hin kan hawile nih tong ve hna sehlaw kan zuanhnawh ngam ve hna hnga maw aw ti hi ka ruat. Rul ttihmi caah cun a fawi loh.

Nizan tihni Sept 18, 19 ahkhan N. Lalvenhima le a hawipa Lalhriata cu Nu pakhat nih thing phur dingin an motor a hire hna i thingphurh ding cun an kal. Lalvenhim hi motor mongtu asi i Lalhriata hi Motor ngeitu hna i an fapa asi. Anmah hi Lai District Lawngtlai Council vengah ummi an si. Cu ti Motor in thing an phurh, an tlun lei ah Lalvenhim hi cu ka zun chuak tuk ati i a Motor a dirter i lam kamah a zun azung. Cu lio ahcun Lim ngan taktak mi nih a rak ngerh i tilu luannak khur chung(culvert)ah a luhpi.

 

A hawipa Lalhriata nih a hmuh le cangka in a zuan hnawh colh i, Lim cu a hngawng in a reh, Nu nih namte a chanh i Lim cu an thah khawh.

Lim nih a ngerhmi, dolh a timhmi Lalvenhim cu lungfim loin a um i, sau ngai an buaipi hnuah a lung hung fim than.

Hi kongah Lalvenhim a nu le pa nih Motor ngeitu hna i an fapa Lalhriat cungah an lunglomhnak an langter. Zapi zaran cu si usihlaw kan ttih tuk hnga i kan hmuh hngan ah Lim nih kan hawipa cu a dolh ko hnga mu.

 

Be the first to comment on "Lim, Rul nih tlangval Lal Ven Him, dolh dingin khur chungah ai luhpi"

Leave a comment

Your email address will not be published.


*


error: Content is protected !!