Milaar minthang poh nih an thih lai ah an chim ta mi bia

Nang le kei zong ni nikhat cu kan thi te lai, hi vawlei hi kan kal taak caan aphan cio te lai. Nunnak a ngeimi poh nih”zeitik ah dah ka thih lai, khoika hmunah dah kan thih lai, zeibantuk in dah(sar thih maw, zawt thih maw) timi hi chim khawh cio lomi asi.

Mirum pa pakhat cu ruahlo piin zawtnak fak tuk nih a den, sibawi thiamsang a fuh panh ko hna nain na nunnak hi kan in chanh kho ti lai lo tiah an rak ti. Mirum pa cu a thi ding asi kha atheih i khua tampi a ruat. Ati mi hna cu athi kho lo ding bang ka rak i ruat mu, ka dam lio ah Pathian caah zeihmamh ka tuanmi a um lo, ka ngeihchiah chawva vialte kha miharsa bomhnak ah rak hmang dih uh ati hna.

Vawleicungah mirum mithawng, Hlasak thiam minthang le muidawh minthang pawl zong nih an thih lai ahcun dam ning law lungdiriam tein Pathian rianttuan ka duh bil ko ee tiah an chim cio. Asinain an nunnak nih a daih tilo, Pathian rianttuan manh loin an nunnak aliam mi tampi an um.

Nang le kei ta, Tuchun, tuzan ahhin a nunnak liam dingmi si sual usihlaw zeidah kan siaherh bik lai. Hawi dawt ruat hmanh! Pathian nih tuchun ni tiang kan nunnak akan zuan rihmi hna hi na fiang maw?. Mah duh salam in hman dingah akan zuahmi kan silo dakaw. Thihnak thlankhur luh lai te ah i fian cu a caan atlai tuk sual lai.

Pathian ka dawt, Pathian caah thil tha ka tuah ti cu, kan minung hawi hna sin i dawtnak ngeih le thiltha tuah khi asi. Pathian ka dawt, a caah thiltha ka tuah ti ttung i mithmuh minung hawi cung hmanhah thiltha atuah lomi le dawtnak a ngeilo mi cu sertu Pathian caah zumh awktlak kan si hnga maw?.

Be the first to comment on "Milaar minthang poh nih an thih lai ah an chim ta mi bia"

Leave a comment

Your email address will not be published.


*


error: Content is protected !!