Press "Enter" to skip to content

Tuchun cu ruahlo piin Nilen ruangah la mit thli tla

Tu chun cu Yangon ramthen, Sulay lei ah kai chok. Ka umnak le Sulay hi Bus in minute 7 hrawng kal asi. Sulay ah ka kal i, Bus cungah mi tampi nih kan far nu Ni Len kong an ceih lulh cu ka theih.

 

Kum 28 hrawng asi lai tiah ka zumh mi nu pakhat nih, “Chin miphun pawl hi cu an rak mak ve hrim. Mah hngal lo an si. An mah an miphun hawi asi mi Ni Len hmanh hi ti an ti hi cu zeitindah an thancho khawh lai” tiah a chim ka theih.

 

A hawi nu kum 25 tluk cu asi lai, “aw hme teh, cun, a mah Ni Len hrim hi mi ninghngal taktak asi. Ni zaan tihni te kuamkam i အႏုပညာ ram ah a rak lut mi nih mah ti aa um ter hi a luan tuk. A mah nak minthang pawl hi lamh dih ai tim dih hna. Uico hmanh ah ka rel lo” a van ti.

 

Khua ka ruat, aw Ni Len hi CYO hlasaknak ah rak kal hlah sehlaw mah tlukin hin an ti hnga lo va si kaw ka ti. Cun, kan miphun min char bakin bia an chim, a that lonak, a sualnak heh an kawl mi ka theih tikah ka lung a khenh bakin a ka khenh.

 

Laimi kan mah le kan mah kan i cawisang lo i kan thang kan i chiat, pakhat le pakhat kar ah dawtnak kan ngei lomi hi a poi tuk tawn e. Kan mah Chin miphun a thang chiat tu a hram bik hi kan mah Chinmi kan si. Kan zia kan i thinh bak a hau ko.

 

Kan farnu Ni Len hrim hi zeitlukindak a va tuar ve lai mu. Kawl pawl nih zeitlukindah an va nek cang lai mu ti hi ka ruat.

By. Salai