Press "Enter" to skip to content

Tidim, Zomi kongah MP hlun Pu, Lal Mawng Cung biachim cu ka uar taktak

MP hlun Pu, Lal Mawng Cung biachimmi bantuk hin kan Chinram hruaitu upa te zong nih Tidim Zomi pawl hi tlangtlak ding an si. Hi bantuk zawn tete ah minung kan i ruahthiam Or ttih ahcun ram a tthancho hnga ding tlukin a thangcho kho lai loh. Pu, Lal Mawng Cung biachimmi cu ka uar taktak asi. A ttial ning tein…

Chin Miphun caah thawngpang chia

A tulio tlangcung mi hna nih kan khel cuahmah mi federal kongah dawnkhan tu bik le aduh lobik tu ralbawizik Min Aung Hliang cu Ti Dim Zomi bu hmete nih Chin paral tha minthat nak laksawng an pek. Chin paral tha laksawng cu Chin miphun caah nunnak ape ngam tu paral tha hna pek ding an si.

 

Mah Zomi Bu hmete nih atulio vulei pi nih siseh, tlangmi hna nih federal kan hmuhkhawh nak dingah kan i buaipi bik mi ralkap bawizik Chin paral tha laksawng an pek micu Chin miphun min an kan zuar asi pin ah vulei cung le kan hawi tlangmi hna sin ah ningzah mualpho nak kan ton a si.

 

Cu caah mah laksawng peknak kongah Chin miphun ai-awh in Zomi nih pek nak nawl zong an nei lo i, Chin cozah , Chin mipi biakhiah nak zong a um lo caah Chin /Zomi zatlang bu hna zong nih lungtlin lonak cathanh an chuah bantuk in mah Zomi bu hmete nih mah bu minthan duh le bawmhnak hmuh duh ah ralkap bawizik Min Aung Hliang Chin Paral Tha minthat nak laksawng an pek micu an hrawh an lak than nak lai le laksawng cotu an pu zong nih Chin miphun zapi hnatlak nak in pek mi ka silo ti theih nak ding caah ka vun langhter mi a si. (An duh le Zomi paral tha laksawng pe hna seh ).

Credit: Pu. Lal Mawng Cung