Press "Enter" to skip to content

Malaysia i Chin mi harnak a tong pawl nih bawmhnak an kan hal ahcun kan bawmh hna lai

Malaysia ram i Chin mi harnak a tongmi pawl nih kan sin ah bawmhnak an rak kan hal ahcun biatak tein kan bawmh ve hna lai tiah All Chin Society Yangon (ACSY) hruaitu Pu Peter Cung sin in theih asi tiah Chinlung Today nih a tial.

 

Hi kong he pehtlai in Pu Peter Cung nih, “Vice President he tonnak kan ngei. VP nih cun cozah he tuan ti dingin an kan duh piak. Malaysia i kan unau pawl nih bawmhnak kan herh an ti ahcun kan ti khawh tawk thazaang kan chuah lai i cozah he kan i bawm lai. Bawmhnak an kan hal lo ahcun kan bawm hna lai lo” tiah a chim.

 

November 3 ahkhan ASCY CC le VP II Pu Henry Van Thio hna cu ton bia ruah tinak an ngei i Malaysia i Chin mi hna caah ASCY nih tuanvo lak piak hna dingin VP nih a duhnak cu a chimh hna.

 

Chin mi harnak a tongmi hna an rak kir tik i vanlong certual ah siseh, khua an phak tiang zong siseh, ID tuah piak le Inn cazin tuah an duh asi zong asi le cozah he kan tuan ti lai i kan tawlrel piak hna lai tiah ASCY nih facebook ah a tial.